Një 42-vjeçar shqiptar ka mbetur i plagosur në një aksident automobilistik të regjistruar pasditen e djeshme në Mesohori të Komunës Arhana Asterousia në Kretë të Greqisë.
Mediat vendase raportojnë se shqiptari, duke drejtuar një mjet bujqësor, ka humbur kontrollin e mjetit në rrethana të paqarta, duke dalë nga rruga dhe është përplasur me pemën e një ulliri.
Përplasja ka qenë e fortë, teksa shqiptari ka mbetur i plagosur në gjendje të rëndë, ku është dërguar me ambulancë në spitalin “PAGNI” të Kretës, për të marrë ndihmë mjekësore.
Raportohet se ai ndodhet në spital në gjendje kritike për jetën.
