Thomas Mattheë Crooks, një 20-vjeçar nga Pensilvania perëndimore, është personi që tentoi të vriste ish-presidentin Trump në një aktivitet të fushatës në Butler, Pensilvani, të shtunën.
Crooks qëlloi Trump disa herë nga rreth 130 metra distancë duke e goditur në pjesën e sipërme të veshit të djathtë, ndërsa ish-presidenti po fliste me pjesëmarrësit në tubim përpara Konventës Kombëtare Republikane të javës së ardhshme në Milwaukee.
Pak sekonda pasi ai filloi të qëllonte, snajperët e Shërbimit Sekret e eliminuan 20-vjeçarin.
Ai u gjet me një pushkë sulmi gjysmë automatike dhe kishte veshur një këmishë të kanalit të njohur për armët në “YouTube”, “Demolition Ranch”.
Crooks, 20 vjeç, ishte nga Bethel Park, e cila është një periferi e Pitsburgut rreth një orë në jug nga vendi ku ndodhi përpjekja për vrasje.
Crooks u diplomua në shkollën e mesme Bethel Park në vitin 2022. Ai ishte një nga të paktët studentë të shkollës që fitoi një “çmim yjesh” prej 500 dollarësh nga Iniciativa Kombëtare e Matematikës dhe Shkencës.
Një regjistrim i ceremonisë së tij të diplomimit e shfaq atë duke ecur në skenë i buzëqeshur mes duartrokitjesh dhe duke pozuar shkurtimisht me një zyrtar të shkollës, raportoi Neë York Times.
Ai ishte regjistruar për të votuar si republikan, sipas një listimi në bazën e të dhënave të votuesve të Pensilvanisë që përputhej me emrin, moshën dhe një adresë të Bethel Park që forcat e rendit po e kërkonin dhe që lidhet me Crooks në të dhënat publike.
Zgjedhjet presidenciale të këtij viti do të ishin të parat në të cilat ai ishte mjaftueshëm i rritur për të votuar.
Të dhënat e Komisionit Federal të Zgjedhjeve tregojnë se një donator i listuar si Thomas Crooks me të njëjtën adresë i dha 15 dollarë një komiteti të veprimit politik të linjës demokratike të quajtur Projekti Progresiv i Pjesëmarrjes në janar të vitit 2021.
Babai i Crooks, Matthew Crooks, i tha CNN-it se ai po përpiqej të kuptonte “çfarë dreqin po ndodh”, por do të priste “derisa të fliste me forcat e rendit” përpara se të fliste për djalin e tij.
