Prokuroria e Posaçme ka lëshuar sot edhe 8 urdhër-arreste në kuadër të hetimeve për inceneratorin e Tiranës.
Mes emrave që GJKKO, me kërkesë të SPAK, ka firmosur masën e sigurisë ‘arrest me burg’ janë Dashamir Ymeraj, Denisa Tollkuçi, E.H., Renardo Nallbani, Ilir Dedja dhe disa shtetas të huaj.
Gazetari Basir Çollaku shprehet se këto urdhërarreste janë lajmëruar këtu e një muaj më herët, ku në një farë forme i është dhënë leja që të largohen atyre që kanë peshë të rëndë për të qenë të pandehur kryesor të kësaj çështje.
“Kjo histori ‘u plak tashi u bë më thinja’ dhe u bë dhe lëmsh njëherësh. Prokuroria e posaçme në këtë përballjen me opinionin publik, me dosjen, me trysninë e me presionin që kishte, unë do të thoja që ka çeduar.
Ky numër urdhër-arresti 14, 8 apo 6 persona të cilët i ka djegur inceneratori është lajmëruar këtu e një muaj më herët, ku në një farë forme i është dhënë leja që të largohen atyre që kanë peshë të rëndë për të qenë të pandehur kryesor të kësaj çështje.
Nje pjesë ju mbarohen afatet e lirohen, ca të rikthehen në qeli, të tjerë urdhër-arreste dhe ky shpartallim hetimor duke përfshirë këtu edhe akuzat për shpërdorim detyre, ku një numër i konsiderueshëm juristësh e shohin si një lloj aministie dhe përballje me drejtësinë apo ndëshkimi në masën e duhur për policinë.
Ajo që dua të them është se mungojnë gjërat që janë lajmëruar më herët, por është gjetur forma mes marrëveshjes së pushteteve (prokurora, gjykata e qeveria) dhe me çfarë vihet re është se ata komunikojnë mes tyre, këto të treja janë bërë bashkë dhe këtu mbiemrat: Veliaj, Hoxha, Bloshi, mungojnë në arrestimin e sotëm.
Qarkullojnë prej kohësh në korridoret e politikës që këto emra duhet të ishin nën arrest, sepse ato shkresat bënin taksinë nga prokuroria në gjykatë, ktheshin mrapsht e shkonin sërish atje.”– thotë Çollaku.
