Renaldo Torraj është lojtari më i ri i Teutës.
Sipas SuperSport anësori i majtë, ka nënshkruar një kontratë 2-vjeçare me durrsakët e do të jetë një vlerë e shtuar për ekipin e Edi Martinit.
19-vjeçari me origjinë shqiptare dhe i lindur në Londër është formuar si futbollist në akademinë e Tottenham, ndërkohë që së fundmi ishte pjesë e Burnley U21.
Torraj është grumbulluar rregullisht nga moshat e Shqipërisë, teksa së fundmi ka qenë pjesë e Kombëtares U21.
Torraj do kërkojë që të japë më të mirën e tij e të tregojë vlerat, për të përdorur kampionatin shqiptar si një trampolinë për të bërë një tjetër hap.
Teuta po ashtu synon që të përfitojë nga shitja e mundshme e Torrajt, i cili konsiderohet si një nga lojtarët me më shumë perspektivë.
