Policia e Tiranës ka proceduar penalisht 8 protestues të cilët protestuan mbrëmjen e djeshme kundër korrupsionit të kryeministrit Edi Rama dhe kryebashkiakut Erion Veliaj.
Në gjendje të lirë u proceduan shtetasit me iniciale R. D., 20 vjeç, M. P., 22 vjeç, S. L., 69 vjeç, B. Xh., 33 vjeç, A. L., 38 vjeç, B. Xh., 34 vjeç, D. P., 62 vjeç, dhe një 17-vjeçar.
Ata akuzohen për veprime të dhunshme gjatë protestës së opozitës të organizuar mbrëmjen e djeshme tek Kryeministria dhe më pas para Bashkisë së Tiranës.
“Gjithashtu, këta specialistë, në vijim të veprimeve hetimore dhe procedurale të kryera për protestën e zhvilluar mbrëmjen e djeshme, referuan materialet në Prokurori ku nisi procedimi në gjendje të lirë për shtetasit R. D., 20 vjeç, M. P., 22 vjeç, S. L., 69 vjeç, B. Xh., 33 vjeç, A. L., 38 vjeç, B. Xh., 34 vjeç, D. P., 62 vjeç, dhe një 17-vjeçar. Këta shtetas dyshohet se gjatë protestës, kanë ushtruar veprime të dhunshme, kanë hedhur flakadanë dhe molotovë, në drejtim të kryeministrisë”, njoftoi policia.
