Mbrojtësi David Gjinollari është larguar nga Teuta pas dy sezonesh.
Lajmin e ka bërë të ditur vetë 25-vjeçari përmes një postimi në InstaStory.
“Nga sot nuk jam më pjesë e Teutës. Ishin dy vite fantastike, falenderoj presidentin Edmond Hasanbelli dhe drejtorin Enid Furxhi që më dhanë mundësinë të jem pjesë e një ndër ekipeve më të mirë në Shqipërië.
Dua të falenderoj stafin dhe gjithë pjestarët e klubit Teuta. Një falenderim shkon për tifozerinë durrsake për mbështjetjen që më ka dhuruar përgjatë këtyre dy viteve. Faleminderit familja e madhe Teuta”, shkruan Gjinollari.
Mbrojtësi, produkt i akademisë së Dinamos, u transferua te durrsakët si agjent i lirë në korrik të vitit 2022 nga skuadra e Burrelit, ndërsa me “Djemtë e Detit” në Superiore ai bëri 59 paraqitje duke shënuar edhe një gol.
