Pedagogu i Fakultetit Ekonomik, Mirdaim Axhami është arrestuar nga policia e Tiranës pas kallëzimit nga pedagogia Liljana Billa.
Gjatë kallëzimit ajo ka bërë të ditur se kanë pasur një konflikt brenda ambienteve të fakultetit, ku Axhami e ka goditur në fytyrë. Pedagogia ka pasur një shenjë në fytyrë dhe madje ka shkuar edhe në spital për ndihmë.
Ndërkohë, nga ana tjetër Axhami nuk pranon ta ketë goditur por thotë se është shtyrë nga Billa.
Dyshohet se shkak për sherrin janë bërë tezat e provimit. Pedagogët kanë akuzuar njëri-tjetrin se kanë shitur apo ndërruar tezat e provimeve.
“Specialistët për Hetimin e Krimeve të Komisariatit të Policisë Nr. 1 arrestuan shtetasin M. A., 43 vjeç, banues në Tiranë, pasi për shkak të detyrës, dyshohet se ka goditur me grusht vartësen e tij.”- thuhet në njoftimin e policisë.
Materialet i kaluan Prokurorisë për veprime të mëtejshme.
