Ka përfunduar pjesa e parë e çerekfinales së Euro 2024 mes Spanjës dhe Gjermanisë.
Në MHPArena të Stuttgartit, tifozët e shumtë të të dyja skuadrave nuk e kanë shijuar ende golin teksa lojtarët i janë drejtuar dhomave të zhveshjes me rezultatin e barabartë 0-0.
Takimi nisi në “malore” për Spanjën, teksa mesfusha mori një goditje të rëndë pas largimit të Pedrit.
Një ndërhyrje e Kroos ndaj 21-vjeçarit të Barcelonës solli dëmtimin e këtij të fundit i cili nuk mundi të vazhdonte lojën pavërsisht përpjekjes së tij.
La rata de Kroos ha lesionado a Pedri y no ha sacado ni amarilla, qué vergüenza pic.twitter.com/k301CoEBMN
— Álex (@LxoMessismoFCB) July 5, 2024
Ndërkohë goditja e parë në portën spanjolle erdhi në minutën e 21-të. Havertz godet me kokë pas një pasimi fantastik nga krahët, por pa forcën e duhur me portierin Simon që shfaqet i gatshëm duke neutralizuar rrezikun.
Vetëm dy minuta më pas, Laporte merr iniciativën dhe gjuan nga jashtë zonës me të majtën, dhe Neuer pret jo pa vështirësi.
Spanja shfaqet sërish e rrezikshme, teksa në minutën e 39-të, iberikët rifitojnë topin në mesfushë dhe Olmo me shpejtësi gjuan drejt portës, Neuer grushton e më pas Morata, i nisur në pozicion jashtë loje vonohet dhe i jep mundësinë gjermanëve të marrin kontrollin.
Tashmë nuk ka mbetur gjë tjetër veçse të presim përfundimin e 45 minutave, të dyta, për të parë nëse nevojitet luajtja e minutave shtesë apo do të ketë një fitues, me triumfuesin e kësaj sfide, që mund të konsiderohet edhe pretendenti kryesor për fitimin e trofeut.
Statistikat:
