EURO 2024/ Jashtë organizatorët, Spanja eliminon Gjermaninë pas 120 minutash

Në të 14-tën, Yamal provoi nga goditja e dënimit, duke i shkuar shumë afër golit. Në të 20-tën, në krahun tjetër, radhën e pati Havertz, koordinim perfekt me kokë por gjuajtja ishte qëndrore. Në pjesën e mbetur të fraksionit, skuadrat u treguan të kujdesshme, për të mos rrezikuar shumë përpara.

Ekipi i de La Fuentes festoi në minutën e 50-të, Olmo ndëshkoi Neuer në brendësi të zonës, pas një topi të dhënë nga Yamal.

Gjermania shtoi presionin dhe zhvendosi kundërshtarin në gjysmëfushën e vetë. Fyllkryg, pak më vonë, tentoi me kokë, pa rezultat. Sulmuesi ishte një rrezik konstant, vetëm shtylla e ndali në të 76-tën.

Me portierin e dalë nga zona e tij, Havertz s’pati shënjestrën e duhur për të mbyllur një herë e mirë llogaritë e takimit. Florian Virtz çoi peshë zemrat e tifozëve,  goli i tij dërgoi sfidën në shtesë.

Në shtesa, në minutën e 106-të gjermanët pretendojnë për një penallti, pas prekjes së topit me dorë nga Cucurella, por gjyqtarin Taylor gjithçka ishte e rregullt, episod ky që do të shkaktojë polemika.

Në shtesë,  goli që mban firmën e Merinos në të 119-tën solli kualifikimin dhe festën e madhe te Spanja, që e sheh veten kështu në gjysmëfinale.