Policia e Vlorës ka arrestuar dy persona të shpallur në kërkim nga drejtësia shqiptare. Një prej tyre është dënuar me burgim për prodhim dhe shitje të narkotikëve, ndërsa tjetri është i akuzuar për të njëjtën vepër penale.
Më konkretisht në kuadër të operacionit të koduar “City”, janë arrestuar shtetasit:
– Letjano Beluli, 46 vjeç, banues në Vlorë, i cili ishte shpallur në kërkim pasi Gjykata e Shkallës së Parë Elbasan, me vendimin e datës 16 maj të vitit 2019, e ka dënuar me 1 vit e 7 muaj burgim, për veprën penale “Prodhimi dhe shitja e narkotikëve”. Veprimet e tjera procedurale për këtë shtetas do të kryhen nga Policia e Elbasanit
– J. I., 32 vjeç, banues në Vlorë, i cili ishte shpallur në kërkim pasi Gjykata e Shkallës së Parë Vlorë, me vendimin e datës 12 Dhjetor të vitit 2023, i ka caktuar masën e sigurisë “Arrest në burg”, për veprën penale “Prodhimi dhe shitja e narkotikëve”.
Materialet procedurale i kaluan Prokurorisë, për veprime të mëtejshme.
