Franca përballet me Portugalinë në çerekfinale teksa në konferencën për shtyp, trajneri i “Bluve”, Didier Deschamps, theksoi se i mirëpret kritikat që ka marrë skuadra e tij deri në këtë fazë të kompeticionit, por shtoi se ato nuk e shqetësojnë.
Ndër të tjera, Deschamps tha se ambienti i Francës është pozitiv, edhe pse e pranoi se dikush mund të jetë i pakënaqur për minutat e pakta.
Për sa i përket kundërshtarit, ai tha se Portugalia është e rrezikshme, ndërsa për Cristiano Ronaldon theksoi se duhet patur gjithmonë kujdes.
Kundërshtari? “Portugalia është e rrezikshme dhe Cristiano Ronaldo është gjithnjë një kërcënim, nuk më intereson nëse është 40 vjeç. Ka kapacitetin për të shënuar dhe për të qenë agresiv. Portugalia mbetet një kundërshtar i fortë. Nuk e di nëse janë më të fortë nga 2016 apo jo, di që për ne ajo finale ishte e dhimbshme. Jemi në çerekfinale dhe këtu janë më të mirët, unë e di se çfarë i pëlqen të bëjë Roberto Martinezit dhe do të tentojmë të jemi ne në kontroll të ndeshjes.”
Probleme brenda skuadrës? “Nuk e di, nga njerëzit që janë këtu, unë shoh një entuziazëm të madh. Ndoshta dikush mund të mos jetë i kënaqur, por unë shoh vetëm persona të lumtur. Sigurisht nga ana tjetër është më e bukur kur fiton 5-4, por kritikët kanë punë e tyre. Mua nuk më kanë penguar kurrë për të vazhduar përditshmërinë time.”
Mungesa e Rabiot? “Kam alternativa të ndryshme”, përfundoi Deschamps.
