Deputeti i Partisë Demokratike, Edmond Spaho gjatë protestës së mbrëmjes së sotme, është shprehur se vendi është kthyer në çiflig të Edi Ramës.
Spaho ka bërë thirrje që koha e padrejtësisë duhet të marrë fund dhe kjo nis me 11 korrik në protestën e madhe kombëtare.
“Një qytetar dha jetën dje në dyert e SPAK për shkak të mungesës së drejtësisë për shkak të korrupsionit që ka prekur çdo qelizë të vendit.
Kjo është damka që do të shoqërojë këtë institucion për çdo sekond derisa këtu te ngrihet një drejtësi e re. Nuk priti përgjigjen thonë sepse e kemi transferuar te prokuroria e përgjithshme çështjen. Prokuroria është e zënë për të shpëtuar vëlla Olsin nga dosja e Xibrakës.
Qytetar ka ardhur koha të marrim fatet tona në duar, kemi prekur fundit dhe njerëzit po vetëvriten sepse nuk ka drejtësi, të gjithë burra dhe gra, të rinjë e të reja, pleq e plaka kudo ku jeni të dalim në shesh me datë 11 korrik”, tha Spaho.
