Që prej muajit janar, KAS i ka rrëzuar vendimi e parë KQZ-së së drejtuar nga Ilirjan Celibashi dhe i ka kërkuar rishqyrtimin e mandatit të kryebashkiakut të Kuçovës, Kreshnik Hajdarit që u kap nga ligji i dekriminalizimit dhe u dënua nga GJKKO, por KQZ ende nuk është mbledhur.
Këtë mosveprim nga ana e institucionit të drejtuar nga Celibashi, drejtuesi politik i Partisë së Lirisë për Beratin, Lefter Maliqi e konsideron si skandal. Sipas tij, KQZ është me dy standarde, duke iu referuar rastit të mbledhjes së nesërme që do t’i heqë mandatin kryebashkiakut të zgjedhur të Himarës Fredi Belerit.
Në një postim në rrjetet sociale, Maliqi shkruan se “drejtësia” është me regji dhe “shteti” është i kapur, teksa paralajmëron kreshnik Hajdarin se po e “shtrydhin” si limon dhe sipas tij, dihet se ku do e hedhin më pas.
Postimi i plotë i Lefter Maliqit:
Skandal!
Celibashi i heq mandatin Bejlerit pas një dënimi Politik, megjithëde Bejleri i thotë ku të kam parë, pasi u bë Eurodeputet! Nga ana tjetër mban ende në detyrë, në kundërshtim me “ Ligjin e Dekriminalizimit”, për fshehje dënimi të dënuarin Hajdarin e Bashkisë Kuçovë, të cilin në bazë të ligjit nuk duhej t’a kandidonte
I dënuari Hajdari me plot skandale, abuzime me taksat dhe pronat e qytetarëve, i paaftë, i keqpërdorur, i kallëzuar në “SPAK” me 11 kallëzime! Një “KQZ” me dy standarte, “Drejtësi” me regji, “Shtet” i kapur. Edhe pak Hajdar se si limoni po të shtrydhin dhe dihet ku te hedhin! Mandati i dhuruar dhe grabitur nuk gëzohet!
