Është dënuar me 12 vite burgim Florind Shabani i njohur ndryshe në Elbasan me nofkën “Paçuku”, i cili akuzohej nga Prokuroria për veprën penale të “Vrasjes me paramendim” kryer në bashkëpunim në dëm të ish-punonjësit të policisë Roland Rexhepit që njihej me nokën “Doda”.
Vendimin për dënimin e Shabanit është marrë nga gjyqtari Artur Prenga, i cili në datën 9 Maj 2024 vendosi të pranojë kërkesën e prokurores Glenda Zeneli, për deklarimin fajtor dhe dënimin e Shabanit me 21 vite burgim, si njëri prej autorëve të identifikuar në këtë vrasje të ndodhur në muajin Korrik 2009 në Elbasan.
Gjykata fillimisht dënoi Florind Shabanin me 18 vite burgim, por për shkak të gjykimit të shkurtuar dënimi i tij është ulur në masën përfundimtare me 12 vite burgim.
Më herët për këtë vrasje në gjykatën e Elbasanit janë arrestuar dhe dënuar Armand Llakaj dhe Marjus Tafaj, përkatësisht me 25 dhe 23 vite burgim dhe aktualisht vijojnë të qëndrojnë në burg.
Ndërkohë identifikimi i autorit të tretë, Florind Shabani, si pjesëmarës në vrasjen e Roland Rexhepit, është kryer përmes një analize ADN-je.
Një profil ADN-je i Shabanit, u zbulua nga policia kriminale në një maskë të gjendur brenda një furgoni të bardhë tip “Reneault”, ku autorët e krimit kishin qëndruar në pritje të Roland Rexhepit.
Njëherësh profil ADN-je u zbulua dhe tek një bisht cigare të gjetur brenda furgonit “Renault”
Ndërsa Florind Shabani alias “Paçuku” është lokalizuar dhe arrestuar në burgun “Augsburg-Gabligen” në Gjermani, ku vuante një dënim për akuzën e “Kryerjes së Marëdhënies seksuale me dhunë”.
Nga krahasimi i analizave të ADN në shtetin Gjerman, doli se njeriu që kishte qëndruar si vëzhgues në furgonin e bardhë, ishte pikërisht Florind Shabani nga Elbasani.
Shabani u ekstradua me urgjencë nga Gjermani në Shqipëri, ku aktualisht u dënua me 12 vite burgim për një krim të kryer 15 vite më parë.
Ndërsa për këtë ngjarje të rëndë, prokuroria e Elbasanit ka vijuar gjatë kësaj kohe me identifikimin e dy personave të tjerë, si Donald Hoxha, i cili u zbulua nga një gjurmë gishti të gjetur në furgon si dhe Gëzim Balla.
Të dy këta persona si Gëzim Balla dhe Donald Hoxha, janë personat që kanë blerë furgonin “Renault” të bardhë në Maminas, duke e çuar më pas në qytetin e Elbasanit. Tre ditë pasi furgoni ishte blerë në Maminas dhe dërguar në Elbasan, ai është përdorur më pas në vrasjen e Roland Rexhepit alias “Dodës”, krim i cili ndodhi në lagjen e “Banesave” në Elbasan./Ora News
