Policia e Tiranës ka arrestuar një të ri, i cili akuzohet për vjedhje. Në pranga është vënë shtetasi R. P., 21 vjeç, banues në Tiranë.
I riu akuzohet për 6 grabitje të kryera në zona të ndryshme të kryeqytetit, të cilat sipas Policisë janë dokumentuar me prova ligjore.
“Shtetasi R. P., dyshohet se ka vjedhur 4 motomjete dhe 2 çanta, në zona të ndryshme të Tiranës.” – thuhet në njoftimin e autoriteteve.
Ndërkohë, gjatë kontrollit fizik uniformat blu i kanë gjetur 21-vjeçarit dhe sasi lënde narkotike kanabisi, të ndarë në doza. Droga është sekuestruar në cilësinë e provës materiale, së bashku me veshjet të cilat dyshohet se autori i ka përdorur gjatë vjedhjeve.
Mbi 21-vjeçarin rëndojnë akuzat për veprat penale “Vjedhja”, e kryer më shumë se një herë, dhe “Prodhimi dhe shitja e narkotikëve”.
Materialet i kaluan Prokurorisë së Tiranës për veprime të mëtejshme proceduriale.
