Partia Demokratike ka mledhur pasditen e së premtes Këshillin Kombëtar. Gazetari Ardit Hoxha ka zbardhur detaje nga diskutimet në mbledhje, fokusi i të cilës ishte organizimi i protestës së 11 korrikut.
Deputeti Flamur Noka është shprehur se drejtuesit e PD-se, Kryesise, Keshillit Kombetar, kryetaret e degeve te kontaktojne me çdo demokrat per ta integruar ne strukture.
Ai ka thënë se duhet të takohen veçanërisht drejtuesit e degëve që janë mashtruar nga Basha, ndërsa ka theksuar se protesta më 11 korrik duhet të jetë madhështore.
“Takoni veçanerisht drejtuesit e degeve qe jane mashtruar nga pengu ( Basha). Protesta e 11 korrikut duhet te jete madheshtore sepse jemi e vetmja parti ne Europe ku lideri yne eshte i burgosur politik pa prove, fakte dhe akuze. Nje regjim autokratik qe te asgjesoje opoziten ose burgos liderin ose te nxjerre jashte ligjit ate. Regjimi ka zgjedhur te burgos liderin tone. Deget e PD-se kane grupet e puneve. Te gjithe ne terren. Ne fleteplasoje do te jene te gjitha pikat perse i ftojme qytetaret ne proteste. Do te realizohet dhe spoti i cili do te shperndahet masivisht. Sensibilizimi eshte shume i rendesishem. Kryetaret e degeve, anetaret e KK qe jane pjese e grupeve te punes te jene ne çdo rruge, takime me qytetare per t’i ftuar ata ne proteste. Ashtu sikunder vepruam ne protesten e 20 shkurtit”, mësohet të jetë shprehur Noka.
