Që kur mposhti Italinë, Spanja e dinte se ishte e para në grupin B, diçka që e konfirmoi me fitoren kundër Shqipërisë në Dyseldorf, 1-0. Kjo i garanton Spanjës të paktën dhe datën se ku do të luajë ndeshjen e parë në fazën e eliminimeve direkte.
Spanja do të luajë në Myngersdorf në Këln, një stadium me kapacitet për 53,000 spektatorë, të dielën e ardhshme, më 30 qershor në orën 21:00. Por Spanjës i mungon diçka thelbësore në këtë mes. Dhe ai është rivali.
Ndonëse grupet kanë nisur të ravijëzohen, për “La Roja”- n është ende shumë e vështirë të deshifrosh se kush do të jetë rivali i të dielës së ardhshme. Ajo që dihet është se Spanja do t’i kushtojë shumë vëmendje zhvillimeve në grupet A, D, E dhe F. Në fakt, Spanja nuk do ta dijë rivalin e saj deri në datën 26 qershor (sot). Për momentin ka njëmbëdhjetë rivalë të ndryshëm të mundshëm.
Sipas rregullave të përcaktuara në nenin 21 të organizimit të turneut, skuadra e Luis de la Fuentes ka vetëm pak më shumë se 13% shanse për t’u përballur me ekipin e vendit të tretë në grupin D (Holandë, Francë dhe Austri).
Që kjo të ndodhë, sipas nenit 21.05, skuadrat e treta më të mira nga grupet A, B, D dhe F ose A, B, D dhe E do të duhet të kalojnë gjithashtu një përballje me Hungarinë, tashmë e treta në grupin A.
Nëse është, është ndër katër vendet e treta më të mira. Vetëm në 20% të rasteve do të ndodhte ky kryqëzim. Gjëja më normale, sipas gjasave, është që Spanja të përballet me palën e tretë më të mirë në grupin E (Rumania, Ukraina, Belgjika dhe Sllovakia) ose grupi F (Turqia, Gjeorgjia ose Republika Çeke).
Këto dy opsione kanë një probabilitet përkatësisht 33.3% që të ndodhin. Ajo që është e qartë është se, nëse kalon fazën e 1/8-ve, Spanja do të luajë çerekfinalen në Shtutgart më 5 korrik kundër fituesit të ndeshjes mes të parit në grupin A (Gjermani) dhe të dytit në grupin C.
Të gjitha shtigjet tregojnë aty, për mikpritësin, Gjermaninë. Nëse do të fitonte edhe çerekfinalen, kombëtarja do të luante gjysmëfinalen e Europianit në Mynih, të martën më 9 korrik në orën 21:00. Finalja do të zhvillohet në “Olympiastadion” të Berlinit të dielën më 14 korrik në orën 21:00. Sot për sot ky është udhërrëfyesi i Spanjës.
