Ka dhuruar emocione ndeshja e fundit në fazën e grupeve të kampionatit europian mes Gjermanisë dhe Zvicrës, ku dy kombëtaret përballeshin për vendin e parë të grupit A, me vendasit që ishin të favorizuar edhe me barazimin.
Dueli u mbyll në barazim 1-1 me gjermanët që barazuan në minutat shtesë për t’u kualifikuar në fazën me eliminim direkt si “kokë” grupi.
Fillimisht ishin “helvetët” ata të cilët kaluan në avantazh që në fraksionin e parë të lojës. Në minutën e ’28 të takimit ishte Freuler i cili hodhi një krosim në zonë, aty ku Ndoye që gjuajti drejt këndit sipër majtas duke mposhtur Noyer.
Gjermanët po vuanin për të gjetur rrugën e rrjetës përballë një Zvicre që po bënte një ndeshje të mirë, teksa për golin e barazimit do të mendonte një lojtar i ardhur nga stoli. Niclas Fullkrug, i cili u fut në fushë në minutën e ’76, arriti të shënonte me kokë pas një krosimi në zonë në minutën e 2-të të shtesës, duke shmangur kështu humbjen.
Me këtë barazim, Gjermania ruan vendin e parë, duke mbyllur fazën e grupeve me 7 pikë, ndërsa Zvicra e mbyll Grupin A në kuotën 5 pikëve.
Në ndeshjen tjetër të grupit A, Hungaria fitoi 1-0 përballë Skocisë, me hungarezët që e mbyllin në vendin e tretë me 4 pikë, duke patur kështu shumë mundësi për t’u kualifikuar për më tej si një prej vendeve të treta më të mira.
GOLAT E NDESHJES:
