Sulmuesi i kombëtares shqiptare, Myrto Uzuni ka thyer heshtjen, pas disa javësh pasi mori lajmin e papritur se trajneri Silvinho e la jashtë listës së grupit kuqezi për Euro 2024.
Reagimi i tij i parë vjen para ndeshjes me Spanjën, e cila do të jetë e fundit në grupin B, ku kuqezinjtë do të kërkojnë fitoren për të kaluar në fazën e 1/16-ave në kampionatin europian.
“Të gjithë të bashkuar mund t’ia dalim. Forca çuna”, shkruan Uzuni në mesazhin e tij në Insta Story, në mbështetje të kombëtares shqiptare, e cila luan nesër në orën 21:00 përballë Spanjës.
Eksperianca e Uzunit do t’i bënte shumë punë kuqezinjëve, nisur nga fakti që ai luan në Spanjë me Granadën, por tekniku brazilian preferoi të mos e bënte pjesë të grupit.
