Një 46-vjeçar shqiptar është arrestuar nga policia greke në Filiatra, pasi akuzohet se ka dhunuar bashkëshorten e tij 25-vjeçare.
Ngjarja e rëndë ka ndodhur të premten, ndërsa shqiptari është vënë në pranga mëngjesin e kësaj të diele.
E reja ka denoncuar në polici se është goditur me shufra hekuri në duar dhe fytyrë. Menjëherë policia ka shoqëruar gruan dhe e ka marrë në pyetje, ndërsa pas ndihmës mjekësore ajo është larguar.
Ndërkohë autori 46-vjeçar është arrestuar nga Policia dhe po mbahet në burg, ndërsa të martën pritet të dalë para Prokurorisë.
