Shqipëria nuk i ka humbur shpresat për kalimin e fazës së grupeve të Europianit.
Fitorja e mbrëmshme e Spanjës përballë Italisë i ka rritur shanset e një rezultati historik të kuqezinjve në ndeshjen e fundit në grupe përballë iberikëve.
Skuadra e drejtuar nga De La Fuente e ka siguruar tashmë vendin e parë dhe ndaj kuqezinjve, pritet të luajë me shumë ndryshime në formacion.
Sipas projeksioneve, kuqezinjtë e Sylvinhos ka 22% shanse për t’u kualifikuar: praktikisht janë 22% shanse për të fituar me Spanjën, pasi me katër pikë, është thuajse i sigurt kualifikimi i një mes vendeve të treta më të mira.
Ekipet e mëdha si Spanja, Anglia, Gjermania, por edhe Zvicra, sipas projeksioneve bazuar në kombinimet e mundshme dhe statistika janë 100% të kualifikuara.
Praktikisht të kualifikuara, por me një përqindje të papërfillshme rezervë, janë Portugalia (99%), Franca (98%), Turqia (98%), Holanda (97%) dhe Sllovakia (94%).
Dy përfaqësueset me më pak shanse për të vijuar përtej fazës së grupeve janë Gjeorgjia (17%) dhe Hungaria (19%).
