Një shpërthim i fuqishëm i ka marrë jetën dy anëtarëve të klanit mafioz kriminal Škaljar në Cetinj të Malit të Zi, teksa 3 persona të tjerë kanë mbetur të plagosur.
Media malazeze “Vijesti”, shkruan se viktimat janë Petar Kalugjeroviç dhe Dragan Roganoviç, anëtarë të klanit kriminal Škaljar.
Shpërthimi ndodhi pas orës 09:00 të 20 qershorit në hyrje të Qendrës së Sportit.
Një numër i madh i zyrtarëve policorë kanë dalë në vendin e ngjarjes dhe hetimet janë duke u zhvilluar për këtë ngjarje.
Për shkak të fuqisë së shpërthimit, xhamat në ndërtesën e Qendrës së Sportit janë thyer dhe një pemë është rrëzuar, raportoi RTV Cetinje.
