Në “Veltins Arena” të Gelsenkirchen u luajt ndeshja e dytë e Grupit B mes Spanjës dhe Italisë.
Spanja fitoi minimalisht 1-0, por që i mjaftoi për të siguruar suksesin e dytë dhe me 6 pikë të plota pas dy ndeshjes siguron vendin e parë në grup.
Rastet e shënimit kanë qenë të shumta, duke filluar që nga goditje me kokë e Pedri, në minutën e parë të sfidës e duke vijuar me domnimin e Lamine Yamal e Nico Williams, në krahët e sulmit spanjoll, mirëpo deri më tani kanë qenë të pafat, me rrjetën italiane që kanë qëndruar e patundur për më shumë se 45 minuta.
Megjithatë në pjesën e dytë, përpjekjet e djemve të Luis de la Fuente u shpërblyen, me Spanjën që arriti të marrë avantazhin, në minutën e 55’-të, me një krosim në zonë nga Nico Williams, i cili nuk devijohet siç duhet nga qendërmbrojtësi italian, Riçardo Calafiori, me këtë të fundit që i dhuron avantazhin “iberikëve” që në fund të ndeshjes u përkthye me tre pikë.
Spanja kryeson me 6 pikë, Italia ka 3 pikë dhe renditet e dyta. Të hënën, Shqipëria do kualifikimin ndaj një Spanje që tashmë luan për formalitet.
