Kryeministri Edi Rama ka reaguar pas barazimit 2-2 ndaj Kroacisë.
Pavarësisht se Rama konsiderohet si “ters” i ekipeve që luajnë në fushën e blertë, kreu i qeverisë sot inkurajon Kombëtaren shqiptare duke theksuar se duhet të bëjmë më të mirën deri në fund të rrugëtimit në “Euro2024”.
Reagimi i Ramës:
“KJO QUHET KRENARI
Përballë një skuadre shumë më të fortë në letër dhe me shumë më shumë eksperiencë në këto nivele ishte një Shqipëri e re, e përkushtuar me mish e me shpirt ndaj flamurit kuqezi, e cila të mbush me krenari, me dashuri, me respekt e me optimizëm për rrugën përpara, përtej këtij Europiani, falë djemve të jashtëzakonshëm dhe publikut të saj po aq të jashtëzakonshëm.
Kokën lart dhe kështu përpara, me pasion, shpirt skuadre, përpjekje deri në fund për të bërë më të mirën“, shkruan Rama, teksa poston foton e Qazim Laçit i cili feston golin e parë të Shqipërisë.
