Është identifikuar gruaja që u gjet e mbytur mëngjesin e djeshëm në liqenin e Kukësit. Viktima është 30-vjeçarja Elda Arapi nga fshati Pojan i Korçës.
Ajo u gjet e pajetë në bregun e liqenit të Fierzës, në vendin e quajtur “Shtrazë”, teksa ka qenë një banor i zonës, i cili e ka pikasur mbi ujë.
Nga këqyrja e trupit të pajetë nuk janë konstatuar shenja dhune dhe policia dyshon se kjo shtetase mund të jetë vetëmbytur.
Nuk dihen ende detajet se si ka përfunduar 30-vjeçarja nga Korça drejt Kukësit dhe cili ka qenë motivi që e ka shtyrë drejt këtij akti ekstrem, nëse është e vërtetë që është vetëmbytur.
Grupi hetimor po punon për sqarimin e plotë të rrethanave të ngjarjes.
