Cristiano Ronaldo, bëhet gati për debutimin me kombëtaren e tij, në atë që mund të quhet praktikisht evropiani i tij i fundit në karrierë.
Ylli i futbollit botëror përballet me Kampionatin Evropian të tij të gjashtë radhazi, nga debutimi i tij më 2004 në vendin e tij deri në fazën finale të “Gjermani 2024”.
Një udhëtim rekord që do ta zgjerojë nga kjo e martë, kur të nisë një aventurë të re kontinentale me të njëjtat ambicie si gjithmonë, si aspirant i padyshimtë për gjithçka.
Në prag të sfidës përballë kombëtares çeke (Sonte ora 21:00), CR7 u ndal të fliste përballë gazetarëve.
“Ankthi është gjithmonë aty, sidomos para ndeshjes. Më vjen mirë që e dëgjoj përsëri. Kur nuk ndodh, do të thotë se është më mirë të heqësh dorë dhe të ndalosh”
“Sot nisim një rrugëtim të ri, e mbaj mend shumë mirë ditën time të parë në kombëtare dhe më pas vijoi një histori sfidash dhe suksesi. Jam krenar që jam pjesë e kësaj skuadre, një ekip kampionësh, e mbushur me talente. Me mbështetjen tuaj, do mundohemi t’i bëjmë ëndrrat realitet”, përfundoi deklaratën e tij portugezi.
