Policia e Korçës ka ekzekutuar urdhrin e ndalimit të Prokurorisë për ndalimin e një shtetasi në kërkim. Në pranga është vënë shtetasi Sidrit Baçe, 37 vjeç, banues në Korçë.
Blutë e qytetit juglindor raportojnë se 37-vjeçari është dënuar nga Gjykata e Korçës me 3 vjet dhe 7 muaj burgim për veprën penale “Ndihma për kalim të paligjshëm të kufijve”, kryer në bashkëpunim.
Gjithashtu, është arrestuar dhe shtetasi I. T., 42 vjeç, banues në fshatin Vishocicë të Devollit. Sipas policisë, 42-vjeçari është kapur në Bilisht duke drejtuar automjetin, pa leje drejtimi.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Korçë.
