Anglia ka mbyllur në avantazhin minimal 1-0 pjesën e parë të lojës kundër Serbisë, në ndeshjen e vlefshme për grupin C të kampionatit europian “Gjermani 2024”.
Goli i vetëm i këtij fraksioni loje u shënua që në minutën e ’13 të takimit. Ishte Bukayo Saka ai i cili depërtoi nga krahu i djathtë dhe më pas krosoi në zonë, aty ku gjeti Jude Bellingham, i cili lehtësisht e çoi topin në rrjet pas gjuajtjes me kojë.
Rastet nuk munguan dhe në minutat në vazhdim për të dyja ekipet, por rezultati mbeti i pandryshuar. Në minutën e ’43 të takimit, Serbia bëri një zëvendësim të detyruar, pasi Filip Kostiç nuk ia doli dot të vazhdonte pas dëmtimit të marrë dhe i la vendin Filip Mladenoviç.
