Aleanca për Mbrotjejen e Teatrit dhe opozita po mbajnë këtë të premte protestën e 12-të para Bashkisë së Tiranës, ku kërkojnë largimin e kryebashkiakut Erion Veliaj dhe marrjen e tij të pandehur nga SPAK për mega aferën e inceneratorit fantazëm dhe aferën e dosjes “5D”, ku drejtorët e tij kishin krijuar kompaninë e tyre për të marrë tenderat e bashkisë.
Vihet re një prezencë më e madhe se protestat e kaluara, teksa ka nisur që në fillim me tensione. Protestuesit kanë hequr me forcë gardhin metalik, teksa janë hedhur edhe disa molotovë para derës së bashkisë të cilët janë fikur direkt nga ana e efektivëve të Policisë. Po ashtu është hedhur edhe një fishekzjarr drejt godinës së bashkisë.
Me qindra policë janë bërë gardh me skafanda para Bashkisë së Tiranës për të mbropjtur korrupsionin e Erion Veliajt.
