Kreu i Lëvizjes Bashkë, Arlind Qori ka akuzuar kryebashkiakune Tiranës Erion Veliaj se ka harxhuar 3.5 milion lekë për një biletë avioni vajtje-ardhje për në Dortmund/Dyseldorf.
Më tej, Qori shkruan në rrjetet sociale se kjo është vjedhje dhe poshtërimi i fundit që Erion Veliaj u bën qytetarëve të Tiranës.
Postimi i Qorit:
Bashkia e Tiranës ka blerë me urgjencë një biletë avioni vajtje-ardhje për në Dortmund/Dyseldorf duke harxhuar 3.5 milionë lekë (të vjetra). Kjo shumë është e barabartë me 44 pensione minimale. Udhëtari “special” niset sot dhe kthehet pasnesër, me shumë gjasë për të parë ndeshjen Shqipëri-Itali.
Kjo është vjedhje. Po edhe më keq se vjedhje, ky është poshtërimi i fundit që Erion Veliaj u bën qytetarëve të Tiranës. Me sa duket, si një keqbërës i rrethuar që pret dita-ditës burgun, Erion Veliaj ka humbur tërësisht logjikën dhe sensin e masës, duke i lejuar vetes lapërdhitë e fundit.
