Diplomati Agim Nesho ka komentuar zgjedhjet e Parlamentit Europian. Nesho shprehet se zgjedhjet parlamentare në Europë prodhuan një fuqizim të politikave të djathta pasi e majta ka dështuar në misionin e saj.
“Ju e bëtë një analizë të shkurtër, duket që qendra e djathtë është fuqizuar dhe ka një rritje të atyre që shtypi perëndimor e quan radikalë të djathtë, por kjo shpjegohet se për një kohë të gjatë politikat e së majtës kanë dështuar.
Popujt e europës janë kthyer drejtë sovranizmit për arsye se problemet e emigracionit kanë shkaktuar shumë probleme. E majta ekstreme ka përfaqësuar rryma të cilat në thelb nuk kanë familjen dhe trashëgiminë.
Kjo tregon që e djathta në europë është fuqizuar dhe një pjesë e saj është euroskeptike por edhe shumë probleme të tjera që lidhin me të djathtën ekstreme dhe qëndrimet e saj me luftën që po zhvillohet në Ukrainë.”
