Një aksident i rëndë ka ndodhur sot në fshatin Fush Bull të Elbasanit
Bëhet me dije 56-vjeçari Nazmi Boja ka humbur jetën pasi ka rënë në greminë gjatë kohës që ka qenë duke rregulluar kanalin vaditës të fshatit
U deshën disa orë kërkime nga ekipet e zjarrfikses së Elbasanit, Emergjencat Civile dhe ekipet e alpinizmit të Kërkim-Shpëtimit Malor në terrenin e thepisur malor për t’iu afruar vendit të ngjarjes.
“Rreth orës 10:30, në terrenin malor të fshatit Fush Bull, shtetasi N. B., 59 vjeç, banues në fshatin Polis, gjatë kohës që ka qenë duke rregulluar kanalin vaditës të fshatit, dyshohet se aksidentalisht ka rrëshkitur.
Shërbimet e Policisë, zjarrfikësit, alpinistët dhe ekipi i urgjencës kanë shkuar menjëherë në vendin e ngjarjes. Për shkak të terrenit ka shkuar edhe helikopteri, për të bërë të mundur nxjerrjen e këtij shtetasi.
Për shkak të dëmtimeve shtetasi N. B. nuk ka mundur të mbijetojë dhe ka humbur jetën në helikopter. Trupi i pajetë po transportohet në morg, për kryerjen e ekspertizës”, njofton policia.
Ndërkaq vijojnë veprimet hetimore për zbardhjen dhe dokumentimin me prova ligjore të rrethanave të rastit.
