Gazetari Bledian Koka tha në “Barometri” në Euronews Albania se në krahasim me janarin, kryeministri Edi Rama ka humbur 7 pikë dhe sipas tij, ky është lajmi më i madhi sondazhit të kryer lidhur me pëlqyeshmërinë e qytetarëve për politikanët.
Sipas gazetarit, kjo ka ardhur për shkak se sipas tij kryeministri Rama është larguar nga beteja politike në Kuvendin e Shqipërisë.
“Mendoj se 7 pikëshi i Ramës është lajmi i madh i këtij sondazhi. Unë mendoj se gjatë këtyre dy muajve zoti Rama është zhdukur nga beteja politike. Në të vetmet raste që ai ka bërë betejë politike dhe beteja politike bëhet në Kuvendin e Shqipërisë. Ai ka dalë vetëm kur është dashur të mbrojë të vëllanë. Kjo është pasuar edhe nga ngjarje të tjera dokumentari Rai dhe ditën e djeshme gazeta Gjermane”,-tha gazetari Koka.
