Problemet me pagesat në privat janë një temë që njihen në realitetin shqiptar, por këtë here Piranjat kanë zbuluar një skandal në spitalin e qytetit të Peqinit.
Punonjësit e këtij institucioni që janë rreth 42 persona kanë dy muaj pa rroga. Një mesazh i ardhur në redaksi bëri që Piranja Kamila Xhakaj ti drejtohej qytetit të Peqinit dhe të kuptonte më shumë mbi situatën.
“Kemi 1 muaj e gjysmë pa rroga. Ka lëvizur drejtori dhe nuk janë firmosur borderotë. Nuk mund të flasim para kamerave sepse na pushojnë nga puna”.
Duke kuptuar frikën e stafit për shkak të sistemit që jetojmë, Kamila shkoi në spital para dy javësh.
Rastësisht në të njëjtën dite u zyrtarizua dhe drejtori i ri.
“E di problematikën dhe do e zgjidh shpejt”, premtoi ai në fjalën e tij.
Kanë kaluar 2 javë dhe ende nuk është marrë asnjë masë, kjo bëri që Piranjat të riktheheshin në spital.
Gazetarja Xhakaj foli me stafin që rikonfirmoi mungesën e pagesave, ndërsa drejtori i ri premtoi se pagat do të merreshin për dy ditë. Ditën e sotme (e premte, 7 qershor) na erdhi një tjetër mesazh që rrogat nuk janë hedhur ende. Një absurd burokratik që vë në vështirësi punëtorët e këtij spitali. Shpresojmë që situate të zgjidhet sa më shpejt./ Piranja
