Policia e Tiranës ka arrestuar edhe 19-vjeçarin Hajri Pulaken, të shpallur në kërkim për një ngjarje të ndodhur në muajin maj.
Pulaka së bashku me tre të tjerë, të cilët janë arrestuar më herët, dhunuan dhe morën peng një punonjës në kioskat që ishin vendosur në sheshin “Skënderbej”.
“Specialistët për Hetimin e Krimeve të Komisariatit të Policisë Nr. 1 ndaluan shtetasin H. P., 19 vjeç, banues në Tiranë, për veprën penale “Heqja e paligjshme e lirisë”.”- njofton policia.
Në 20 maj u arrestuan, Denis Baxhaku, Ermand Hoxha e Teo Kolemiço, menaxherë kioskash. Dhuna ndaj kamariarit, erdhi për shkak se të rinjtë dyshonin se i vidhte.
