Deputeti i opozitës italiane Riccardo Maggi i partisë “Piu Europa” e ka ndjekur edhe në Shqipëri kryeministren italiane Giorgia Meloni për t’i kërkuar llogari për shpenzimet stratosferike për kampet e refugjatëve që po ndërton në Gjadër dhe në Shëngjin
Ai është përplasur me Melonin në dalje të pikës së kontrollit në Shëngjin, ndërsa e ka akuzuar atë se po bën fushatë elektorale dhe se ka shpenzuar deri në 1 miliardë euro për fushatë elektorale. Gjitashtu, deputeti italian ka akuzuar edhe truprojat e Melonit se po e dhunojnë.
Ndërkohë Meloni është mbrojtur nga rojet e saj dhe ka deklaruar se ‘do ti japë fjalën në parlament’
“Bëtë viktimat për një orë pa iu përgjigjur asnjë pyetje se si do të funksionojë kjo qendër. Ju po bëni fushatë. Një miliardë për të bërë fushatë elektorale. Truprojat tuaj nuk po më lejojnë e po më dhunojnë. Nëse kjo i ndodh një deputeti, imagjinoni se çfarë mund t’i ndodhë një emigranti. T’ju vijë turp zonja kryeministre!”, ishin fjalët me të cilat Magi iu drejtua Melonit, pasi ajo mbylli konferencën për media me kryeministrin Edi Rama.
Magi ka kritikuar në vazhdimësi marrëveshjen midis Romës dhe Tiranës për ndërtimin e dy kampeve për të pritur deri në 36 mijë emigrantë në vit, në Shëngjin e Gjadër. Edhe sot teksa bënte thirrje kundër paktit Rama-Meloni, ai mbante në duar një pankartë, ku shkruhej: “Jo Guantanamos italiane”.
