Kryeministri Edi Rama duket se e ka me ngut ngritjen e dy Komisioneve të Posaçme Parlamentare, atë për Dezinformin dhe Anti-Korrupsionin. Mazhoranca ka caktuar anëtarët dhe kryetarët e dy komisioneve në fjalë, duke i futur në rendin e ditës të seancën së nesërme plenare për t’i miratuar.
Ashtu siç pritej, Rama në krye të Komisionit të Posaçëm Anti-Korrupsion ka vendosur Fatmir Xhafajn, vëllain e trafikantit të drogës Geron Xhafaj, duke e kthyer sërish për t’i shërbyer, pasi e flaku disa vite më parë nga Ministria e Brendshme. Ndërkohë, sipas draftit të miratuar në Kuvend, për këtë komision anëtarët do të jenë kryetarët dhe zv. kryetarët e 4 komisioneve të përhershme parlamentare dhe ata të Këshillit të Integrimit Evropian.
Opozita e ka interpretuar ngritjen e këtij Komisioni të Posaçëm si një tentativë të kryeministrit Edi Rama për të vënën nën kontroll SPAK-un dhe GJKKO-në. Ajo e ka bojkotuar votimin në Kuvend, teksa ka deklaruar se nuk do të bëhet pjesë e këtij komisioni.
Sa i përket Komisionit të Posaçëm për Dezinformimin, Rama ka vendosur si kryetar Erion Braçen, ndërsa si anëtarë do të jenë Etilda Gjonaj, Bledar Çuçi, Pandeli Majko, Mimi Kodheli dhe Enslemvera Zake.
DRAFTI
REPUBLIKËS SË SHQIPËRISË V E N D O S I:
I. Përbërja e Komisionit të Posaçëm Parlamentar “Për të koordinuar dhe mbikëqyrur të gjitha veprimet institucionale për të luftuar dezinformimin dhe format e tjera të mbikëqyrjes së huaj në proceset demokratikë të vendit” është si më poshtë:
1. Erjon Braçe kryetar (PS)
2. Etilda Gjonaj sekretare (PS)
3. Bledar Çuçi anëtar (PS)
4. Pandeli Majko anëtar (PS)
5. Mimi Kodheli anëtare (PS)
6. Enslemvera Zake anëtare (PS)
7. anëtar/e (PD)
8. anëtar/e (PD)
9. anëtar/e (PD)
10. Mesila Doda anëtare (Demokraci dhe Integrim)
11. Fatmir Mediu anëtar (Aleanca për Ndryshim)
1. Bardhyl Kollçaku anëtar zëvendësues (PS)
2. Alban Xhelili anëtar zëvendësues (PS)
3. anëtar zëvendësues (PD)
4. anëtar zëvendësues (PD)
II. Ky vendim hyn në fuqi menjëherë.
I. Përbërja e Komisionit të Posaçëm të Kuvendit për Thellimin e Reformave për Mirëqeverisjen, Sundimin e Ligjit dhe Antikorrupsionin për Shqipërinë 2030 në Bashkimin Evropian është si më poshtë:
1. Fatmir Xhafaj kryetar (PS)
2. Klotida Bushka anëtare (PS)
3. Eduard Shalsi anëtar (PS)
4. Etilda Gjonaj anëtare (PS)
5. Evis Kushi anëtare (PS)
6. Toni Gogu anëtar (PS)
7. Jorida Tabaku anëtare (PD)
8. Dhurata Tyli anëtare (PD)
9. Sorina Kote anëtare (PD)
10. Flutura Açka anëtare (PD)
11. anëtar (PD)
1. Milva Ekonomi anëtare zëvendësues (PS)
2. Erion Braçe anëtar zëvendësues (PS)
3. anëtar zëvendësues (PD)
4. anëtar zëvendësues (PD)
II. Nënkryetar i Komisionit do të jetë njëri nga anëtarët përfaqësues të pakicës parlamentare.
III. Ky vendim hyn në fuqi menjëherë.
