Rreth një orë e pak ka zgjatur protesta e 10-të e mbajtur ditën sotme e Aleancës për Mbrotjen e Teatrit dhe opozitës para Bashkisë së Tiranës.
Me dhjetra protestues kërkuan largimin e kryebashkiakut Erion Veliaj dhe marrjen e tij të pandehur nga SPAK për dosjen e “5D-së” dhe mega-aferën e inceneratorit fantazëm.
Protestuesit kishin marrë vete vete disa banderola ku ekspozonin krimet e Erion Veliajt. Po ashtu para godinës së bashkisë ishin vendosur dhe disa goma të vjetra, të cilave iu vu flaka.
Gjatë këtij momenti pati dhe tensione mes protestuesve dhe efektivëve të Policisë, ku kjo e fundit hodhi tymuese drejt qytetarëve, si dhe ndaj anëtarit të Kryesisë së PD-së Belind Këlliçit, i cili ishte duke mbajtur fjalim.
Ndryshe nga herët e tjera, protesta e radhës para Bashkisë së Tiranës kundër Erion Veliaj do të mbahet ditën e hënë në orën 11:00, teksa ditën e enjte opozita do të protestojë para Kuvendit kundër Edi Ramës pas publikimit të dokumentarëve nga emisioni “Report” i televizionit shtetëror italian RAI 3.
