Ka nisur mbledhja e Komisionit Hetimor për të dhënat TIMS.
Ditën e sotme janë thirrur për të dëshmuar ministri i Brendshëm Taulant Balla, ish-drejtori i IT-së në Policinë e Shtetit Ervin Muça dhe drejtori i Policisë Muhamet Rrumbullaku.
Mësohet se kryetari i Komisionit, Ervin Salianji propozoi që kur Balla, Muça dhe Rrumbullaku të merren në pyetje mbledhja të bëhej me dyer të hapura, por kjo kërkesë është rrëzuar nga anëtarët e mazhorancës.
Mësohet se i pari që po dëshmon në mbledhjen me dyer të mbyllura është Ministri Balla, i cili ka deklaruar se ka informacione të klasifikuara.
Në mbledhje pritet që të jenë vetëm deputetët që kanë certifikata sigurie.
