Shumë mund t’i konsiderojnë aksesorët e tyre të nevojshme, por për një burrë nga Kolorado, zinxhiri në qafë ishte shpëtimtar për jetën e tij.
Sipas policisë në Commerce City, Kolorado, rreth 10 milje në verilindje të Denverit, një burrë mbi të cilin u qëllua me armë pësoi dëme minimale falë gjerdanit të tij ngjyrë argjendi.
Personi nuk është identifikuar, por sipas departamentit të policisë, zinxhiri i tij i gjerë 10 milimetra ka mundur të zbehë forcën e një plumbi të kalibrit 22 dhe të mos shkaktojë dëme të mëtejshme.
“Plumbi u shkrep gjatë një debati dhe do të kishte përfunduar në qafën e viktimës nëse nuk do të ishte futur në zinxhirin që kishte veshur”, tha policia.
Personi i dyshuar për shkrepjen e armës është arrestuar dhe përballet me akuza për vrasje në tentativë, thuhet në postim.
“Ne nuk e dimë se çfarë lloj metali është ky, por ka të ngjarë të mos jetë argjend i pastër,” shkruan ata. “Ne e shikuam… dhe argjendi është i butë. Thjesht e pabesueshme.”
