Policia e Himarës ka reaguar në lidhje me ngjarje e rëndë të regjistruar pak para mesnatës së djeshme në Himarë, ku biznesmeni Nikollaq Bollano u gjet i plagosur në rrugë, me dëmtime të rënda në kokë, pranë hotelit të tij.
Sipas bluve të qytetit bregdetar, biznesmeni 51-vjeçar dyshohet se ka rënë aksidentalisht nga kati i dytë i banesës së tij. Sipas Policisë, Bollano dyshohet se ndodhej në efektin e alkoolit, teksa ngjarja ka ndodhur rreth orës 23:00, në lagjen “Spille”.
51-vjeçari Nikollaq Bollano raportohet se aktualisht ndodhet në spitalin e Traumës, në kujdesin e mjekëve.
Grupi hetimor vijon punën për zbardhjen e plotë të rrethanave të ngjarjes.
