Policia ka dhënë detajet e para në lidhje më plagosjen në qytetin e Shkodrës, ku sipas uniformave blu, 62-vjeçari Vladimir Bruçi ka marrë dëmtime në kokë dhe është dërguar në spital.
Policia ka shkuar menjëherë në vendin e ngjarjes dhe po vijon kontrollet për identifikimin dhe kapjen e autorit kapjen e autorit.
Njoftimi i policisë:
Shkodër/Informacion paraprak
Rreth orës 14:40, në lagjen “Partizani”, dyshohet se gjatë një konflikti, është dëmtuar me sende të forta, në kokë, shtetasi V. B., 62 vjeç, i cili po merr ndihmë mjekësore në Spitalin Rajonal Shkodër.
Shërbimet e Policisë kanë shkuar menjëherë në vendngjarje dhe vijojnë kontrollet për kapjen e autorit.
Grupi hetimor, në drejtimin e Prokurorisë, po punon për zbardhjen e rrethanave të ngjarjes, identifikimin dhe kapjen e autorit.
