Një 35-vjeçar nga Kosova, i shpallur në kërkim ndërkombëtar nga Belgjika, është arrestuar në Rinas gjatë tentativës për t’u larguar nga vendi.
Në kuadër të opracionit të koduar “Gatë” u vu në pranga Dardan Ramadani, i akuzuar për grabitje me dhunë. Ky shtetas ishte shpallur në kërkim ndërkombëtar, pasi autoritetet belge i kanë caktuar masën e sigurisë “Arrest në burg”, për veprën penale “Vjedhja me dhunë”.
“Si rezultat i kontrolleve të detajuara në hyrje/dalje të RSH-së dhe në zbatim të masave të përcaktuara në planin operacional “Sundimi i ligjit”, u finalizua operacioni policor i koduar “Gate”, gjatë të cilit shërbimet e Komisariatit të Policisë Rinas ndaluan në dalje, shtetasin e shpallur në kërkim ndërkombëtar:
– D. R., 35 vjeç, banues në Kosovë.
Ky shtetas ishte shpallur në kërkim ndërkombëtar, pasi autoritetet belge i kanë caktuar masën e sigurisë “Arrest në burg”, për veprën penale “Vjedhja me dhunë”.”– njofton policia.
Vijojnë procedurat për ekstradimin e këtij shtetasi, në Belgjikë.
