Është mbyllur në barazim pa gola pjesa e parë e finales së Champions League mes Borussia Dortmund dhe Real Madrid.
Në “Wembley” ka qenë një fraksion i parë i lojës spektakolar, mjaft i luftuar nga skuadrat por ishin gjermanët ata që dominuan duke pasur raste të njëpasnjëshme shënimi.
Gafa e Adeyami, shtylla dhe portieri Cortuois kanë mbajtur në lojë spanjollët duke iu mohuar golin e avantazhit skuadrës së Edin Terzic.
Në minutën e 22-të, Adeyemi i gjendur i vetëm para Cortouis nuk arrin të shënojë duke bërë më të vështirën.
Vetëm dy minuta më pas, shtylla i mohon golin gjermanëve. Ishte Fulkryg ai që “flirtoi” me avantazhin, por u ndal nga shtylla.
Tjetër rast për shënim në minutën e 28-të për Dortmundin, sërish me protagonist Adeyemin, por kësaj here ishte Courtois që i tha “jo”, sulmuesit gjerman.
Dortmundi nuk heq dorë nga sulmet e rrezikshme dhe provon me Sabitzer në minutën e 41-të, por tentativa e tij ndalet nga portieri belg i Real Madrid.
Dortmundi ushtroi presing deri në fund të fraksionit të parë të lojës, ndonëse nuk arriti dot të shënojë, përballë një Reali që më tepër u mbrojt.
STATISTIKAT:
