85 persona raportohet se kanë humbur jetën nga të nxehtit ekstrem në Indi në 24 orët e fundit.
Këtë e kanë bërë të ditur autoritetet e shteteve të prekura nga vala e paprecedentë e të nxehtit, e cila ditët e fundit ka bërë që temperaturat të rriten edhe mbi 50 gradë.
Numri më i madh i viktimave, 46, u regjistrua në shtetin lindor të Odisha, ku vapa u përkeqësua nga lagështia e lartë. Shtetet e tjera më të prekura janë Bihar, Jharkhand, Rajasthan dhe Uttar Pradesh.
