Drejtoresha e qendrës për personat me Aftësi Ndryshe deklaron se nënat janë ato që kujdesen për fëmijët e tyre, ndërsa baballarët i braktisin ose zgjedhin rrugë të tjera si papunësia dhe alkoolizimi.
“Në përgjithësi ndodh që familjet kalojnë në krizë në momentin që konfirmojnë problemin e fëmijës. Nëna të cilat nuk e pranojnë për një kohë të gjatë, baballarë që ikin dhe e lënë nënën vetëm.
90% e rasteve janë nënat që luftojnë. Ose braktisen nga burri, ose ai nis pi alkool dhe rri në shtëpi. Atëhere i mbetet nënave të kujdesen dhe të punojnë”, tha drejtoresha për “Punë Pa Teka” në TCH.
