Edhe 2021-in, Kryeministri Edi Rama, e ka nisur me show dhe batuta, ashtu sikundër mbylli vitin 2020. Rama ka vizituar bebet e para që kanë ardhur në jetë në maternitetin “Koç Gliozheni”.
Gjatë bisedës me mjekët, Rama tha se çfarë nuk të vret të bën më të fortë ndërsa me batutë u shpreh se ky vit do të jetë i mbarë sepse ka ardhur me seri vajzash.
Rama u njohu nga afër me nënat e reja ndërsa një ngacmim e pati edhe për baballarët që nuk ishin prezent në këto momente.
Pjesë nga biseda
Rama: Çfarë nuk të vret të bën më të fortë. Baballarët ku i kanë këta apo baballarët flejnë gjumë. Hej zot i madh
Mjeku: Jo nuk lejohet
Rama: Unë besoj se është vit shumë i mbarë sepse ka ardhur me një seri gocash, bam, bam.
Manastirliu: Nuk ja keni vënë emrin?
Nëna: Akoma
Rama: Çfarë opsionesh keni
Nëna: Kemi disa por ngaqë emrin mbahet për gjithë jetën ndaj duhet të mendohemi. Për momentin i thërrasim vëllai i Fronit, ngaqë vëllai e ka emrin Fron.
