Sipërmarrësi Altin Prenga ka deklaruar se një nga arsyet pse ikin të rinjtë shqiptarë nga vendi ynë, është mungesa e vlerësimit financiar.
I ftuar në Vizion Plus, Prenga tha se në diskutimet me sipërmarrësit e tjerë, shpesh ka dëgjuar se nuk i risin rrogat punonjësve për të mos u prishur tregun e punës.
“Deri më sot një nga arsyet që ikin të rinjtë është se nuk i kemi vlerësuar financiarisht. Më vjen keq ta them, por në diskutime me kolegët e mi shpesh kur diskutojmë për rrogat dëgjoj që thonë nuk ua rrisim rrogat se na prish tregun e punës. Ne deri më sot i kemi paguar me 400-450 euro punonjësit, çfarë do bëjnë ata”, u shpreh Prenga.
