Kryeministri i Shqipërisë, Edi Rama këtë të diel do vijojë turin e takimeve me shqiptarët, që jetojnë dhe punojnë jashtë vendit.
Pas Greqisë, destinacioni i radhës i Ramës në takim me Diasporën është vendi fqinj, Italia. Nga Aeroporti i Rinasit, para fluturimit drejt vendit fqinj, Rama takimin me shqiptarët në Itali e cilëson si një “valle të dytë kuqezi në Europë”.
Nuk është shumë e qartë nëse Rama do takojë emigrantët në Itali apo patronazhistët dhe administratën siç bëri në takimin që zhvilloi në Athinë dhe ku u dëshmua qartë se me dhjetëra autobusë kishin shkuar të mbushur nga të gjithë bashkitë e vendit për të mbushur sallën e Edi Ramës në Athinë.
Kjo është e sigurte që do të ndodhë edhe sot por nuk do të jete shumë e lehtë ti ekspozosh pasi duke mësuar nga takimi i Athinës patronazhistët do të jenë urdhëruar që të mos flasin ose të thonë që janë emigrantë në vendin fqinj. Çfarë nuk pret nga propaganda e rilindjes.
Lexo edhe:
Takimi në Milano, Rama merr administratën me vete! 5-fishohen çmimet e biletave
