Një 42-vjeçar është gjetur i pajetë në autostradën Kavajë-Durrës, në afërsi të Malit të Robit.
Sipas policisë, 42-vjeçari i identifikuar me iniciale N.H dyshohet se është përplasur nga një automjet ende i paidentifikuar.
“Në orët e para të mëngjesit në autostradën Kavajë-Durrës, në afërsi të Malit të Robit, është gjetur pa shenja jete shtetasi N. H., 42 vjeç, banues në Lushnjë. Nga veprimet e para dyshohet se është përplasur nga një automjet ende i paidentifikuar”, njofton policia.
Policia rrugore e Kavajës dhe grupi hetimor po këqyrin kamerat dhe po kryejnë veprime hetimore për të bërë të mundur identifikimin e automjetit, kapjen dhe arrestimin e drejtuesit të automjetit.
